Manuela Claberina Pieter-Tomasa
Aviso di Morto
Gradisimentu i Invitashon
Na nòmber di yunan, ñetunan, bisañetunan i demas famia di nos kerido defuntu
Manuela Claberina Pieter-Tomasa
ta gradisi tur famia, bisiña, amigunan i konosinan ku a mustra atenshon na ora di fayesimentu i entiero di nos kerido defuntu. Un danki na tur ku a manda krans, flor, yamadanan di telefon i mensahenan via medionan sosial. Danki pa boso sosten. Boso presensia tabata un gran konsuelo pa nos. Alabes yunan
i demas famia ta partisipa ku lo bai tin 2 Santu Sakrifisio di misa na Misa di Steenrijk riba e siguiente dianan: awe djaluna 25 yüli pa 7'or di anochi i djarason 27 di yüli pa 7'or di anochi. Despues di último Santu Sakrifisio di misa 27 yüli, lo resa rosario na kas. Direkshon: Rooi Santu 219 (Kaya Leptop). Aseptá esaki komo un invitashon personal.
Silvio ( Chicho)
Konlensia i deskanso. Forsa pa bosnan por karga ku e perdida sensibel aki. Ami ta na Hulanda. Dia 30 yuli mi ta regesa.