WILLEMSTAD.- Djadumingu 4 di mart benidero, Club Boneriano lo ta  esenario di  e gran kompetensia di ‘Maramentu di Lensu’ tradishonal di Fundashon Seú.
Den e kuadro aki, un kantidat di partisipante eksperensiá lo batayá kontra otro, presentando nan kreashonnan úniko.
Manera semper lo tin muzik, kanto i baile folklóriko, kombiná ku un gran surtido di kuminda krioyo i di antaño i tambe kos di boka dushi. Pues, un berdadero dia di famia kultural.
E evento ta kuminsá 12’or  di mèrdia i ta terminá 8’or di anochi. Bini unu bini tur i apoyá asina eksistensia di Festival di Seú komo e úniko fenómeno di nos herensia kultural ku a sobrebibí forsa di tempu.