MERKA.-  E kantante di 51 aña, Marc Anthony, ta un dje ikononan di músika latino poniendo miónes di hende baila i kanta rònt mundu.
Den 2020, e artista a kontinuá ku su eksitoso gira ‘Opus’ i a rekoré diferente pais na Oropa, Latino Amérika i Merka. Sinembargo, un emergensia a pone ku e mester a pone un pouze na su plannan.
Un doló fuerte a obligá ku e kantante, aktor i empresario mester a kanselá su konsiertonan den e siudatnan, Orlando i Houston na Merka.
‘Mark ta eksperensiando un doló hopi fuerte na su lomba i su dòkter a konseh’é pa e deskansá algun dia pa rekuperá kompletu’, asina su tim di prensa a informá.
E notisia aki a sorprendé su miónes di fanátiko, esaki tumando na konsiderashon ku e kantante ta biba praktikamente riba tarima.
E eks kasa di Jennifer Lopez ta kustumbrá pa kumpli ku tur su kompromisonan profeshonal, te asta na momentu ku e ta pasando den momentunan difísil, manera ela hasi na 2018 na momentu ku ela presentá un konsierto, algun dia despues di e fayesimentu di su mama.
E konsiertonan ku a keda kanselá a keda reprogramá pa e luna di aprel. Na e momentunan aki e ta deskansando i su próksimo konsierto riba su agènda ta pone pa dia 20 di mart na San Jose, California. Ta spera ku pa e fecha aki e ta totalmente rekuperá pa di e forma ei e por entrega su mes, manera semper, na su fanátikonan.