MERKA.-  E kantante, Marc Anthony, 48 aña i su amante nobo, Mariana Downing a atendé su show di gala di e organisashon di Marc, ‘Maestro Cares Foundation’s - Changing Lives and Building Dreams Gala’ na New York djamars anochi.
Downing, 21 aña, ta un modelo biba na Miami ku ta firma pa e empresa ‘Wilhelmina Models’ i  aparesé den e videoclip di “A$AP Rocky’ titulá ‘Everyday’.
E pareha tin algun luna ta ‘date’ otro for di despues ku Marc a entrega un petishon pa divorsio di su di tres kasa Shannon de Lima na final di 2016. Den luna di febrüari 2017 e divorsio a keda kompletá.
Na komienso dje luna aki, Jennifer Lopez, ku kende Marc tin e ohochi, Emme i Max, 9 aña a pone un paro na tur rumor na momentu ku a puntr’e si e ku Marc lo rekonsiliá. “Marc i ami ta bon manera nos ta aworakí. Tin un motibu pa kua nos no ta huntu, pero nos ta bon amigu”, asina Lopez, kende a kaba di kuminsá un romanse ku Alex Rodriguez, a deklará.