WILLEMSTAD.- Ayera  direktiva kultural  Banda Ariba huntu ku Shurendi Pieternella  a tene nan rueda di prensa kaminda a presentá nan  programa pa ku  e  di 2 aña  Marcha Kultural Banda Ariba kual lo tuma lugá 29 di òktober.

Marcha kultural ta un marcha kaminda bo ta haña  e kombinashon di gruponan di karnaval i esnan di Seú  i lo marcha di Botika Mampuritu Sta. Rosaweg i terminá na Hòfi Sterke Jerke.

Baluartenan pa ku e Marcha Kultural Banda Ariba 2017:

Sr. Ludgene Balentien ; Sr. Renier Lijfrock;  Sra. Joyce Dometilia i Sra. Ingrid Polonius. E marcha ku ta grátis pa tur gruponan di karnaval i Seú  lo sali for  2’or mèrdia i terminá pa 6’or atardi  i  lo tin partisipashon di Drum Squad; Dj Wendi 3G; Dj Sandro  i Grupo Rítmiko Sablika.

Den Hòfi Sterke Jerke ku for di 5’or atardi ta habri  su portanan lo tin e  Eksploshon Kultural kaminda lo tin  bendementu di kuminda , ko’i bebe i stèntnan di kos dushi tur esaki bou di animashon  di  Ruta; Los Originales; Kor los Carmelitas; Sonrisa; grupo tambú Zojojo i guest star Aya i komo chèri riba e bolo ERA  ku lo sera e dia aki.

Pa kualke  informashon  i inskripshon di gruponan por tuma kontakto ku Ella Bernabela (510-8319 ) i òf Sonalie Rollins (515-6358) .