Maria Justina Baromeo

Un Gradesimentu
Na honra i Gloria di È Dios Eterno ku ora algun dòkter a bisa nò, a bisa SI i a regalá 11 aña i mei despues di un ataka selebral.
Yu muhe Ivette Eliza di q.e.p.d.

Maria Justina Baromeo
*21-04-34 - †19-08-22

Kier a gradisí tur iglesia; Pastor, mishonero, guerero di orashon i entersedor, siervo-mensahero i adoradó di Kristu Hesus, Indian community i hermandat hispano i otronan ku durante su bida tabata bishitá, enkurashá, fortifiká i sostené e “defuntu” komo ruman durante e aña nan ku Dios a regale pa por a inisiá un kaminta nobo,kore su kareda den e plan di salbashon pa finalmente alkansá su bida eterno.

Bendishon i pordon pe forsa kontrali, su man i instrumentnan ku tabata tei pa heridá, hasi daño, horta, destruí i mata pasobra dor di nan È Dios Eterno por a oumenta su grasia, lus i misèrikórdia i laga tur kos obra pa bon pa Maria dor ku ela sklama, resisti, soportá i persevera pasobra ela konfia i kere den su bon Wardado i Salbador.

Danki pe sosten di Dr. W Elhage; Dr. Z. de Windt;Dr. Janga i team di mantelzorg pa sostene su kuido alternativa i pro salud.

Danki tambe na radio: Delta, New Song, Messianic Waves i Semiya FM. pa nan nutrishon bibliko i spiritual durante e añanan.

Nos ta sigui selebrá bida eterno di Maria, sperando e momento glorioso, ora e Salvador presentá, pa buska tur, manera È a primití.