MERKA.- Mariah Carey nunka no a kasa ku e komersiante James Packer, pero e ta pendiente pa risibí miónes despues di kiebro di relashon ku e bionario.
Segun e portal, Entertainment Tonight, e kantante ta pendiente pa risibí miónes di dòler i aserka e tin mag di keda ku su renchi di kompromiso, balorá na mas o ménos 10 mion dòler.
Carey a eksigí den korte 50 mion dòler, esaki pa entre otro e echo ku e mester a muda di New York pa Los Angeles debí na e relashon ku e komersiante oustraliano.
E kantante i Packer a separá di otro na 2016, esaki despues di un relashon di 1 aña i mei. Na e momentu ei nan tabatin 10 luna di ta komprometé. Segun un fuente, Carey ta bisti su renchi di kompromiso tur dia.