WILLEMSTAD.- Mariah Carey a kibra e rekòr global di ‘Spotify’ pa 1 kansion riba 1 dia. ‘All I want for Christmas is you’ a zona riba 24 di desèmber, Nochebuena pa mas ku 10.8 mion di biaha riba Spotify.
Konkretamente e kansion di Pasku skibí pa Mariah Carey i Walter Afanasieff i lansa originalmente na 1994, a keda skuchá 10.819.009 biaha durante dia 24 di desèmber so.
Dje forma aki Carey a superá e kansion ‘Sad’ di e rapper XXXTentacion, ku a logra 10.4 mion ‘plays’ dia 19 di yüni, un dia despues ku el a keda asesiná.
Komo si fuera poko, ‘All I want for Christmas’ ta okupá aktualmente puesto number 7 riba e lista di Billboard.