WILLEMSTAD.- Fundashon Desaroyo Marie Pampun i Bisindario kier a invitá abitantenan di Marie Pampun i bisindario pa bini disfrutá di un tremendo ‘Nochi di Aguinaldo’ ku e Grupo Dushi Ambiente.
E anochi aki tambe ta sirbi pa abitantenan bin ser konosí di aserka ku e desaroyo di e área kant’i awa.
E ‘Nochi di Aguinaldo’ ta tuma lugá mañan, djasabra 16 desèmber 2017 di 7’or pa 9’or kant’i awa pegá ku e kancha di bolas. Manera semper lo tin kos di kome i di bebe. Fundashon Desaroyo Marie Pampun i Bisindario ta warda tur nos abitantenan di Marie Pampun i Bisindario pa bin disfrutá di e anochi aki.