WILLEMSTAD.- Djadumingu anochi a tuma lugá Elekshon Talento Adulto 2019 riba Kleine Werf ku asistensia di un tremendo públiko ku a bin apoyá kada un di e partisipantenan. 8 Reina i 4 Duo Prens i Pancho a partisipá.
Den showtime e públiko por a gosa di tremendo presentashon di Roald Balentien, ku su dos hitnan pa Karnaval ku ta “Kara Kara” i “E Faborito”.

PREMIASHON
Di Dos Finalista Reina Talento 2019, a keda eligí Naomi Bitoria, Promé Finalista, Jerona Sint Jago i Reina Talento Karnaval Kòrsou 2019, Mariluska Sambo.
Den e Duo nan Prens i Pancho, di Dos Finalista a resultá, Duo no. 4, Jordan Anthony i Jamil Domacasse, Promé Finalista, Duo no. 2 Faisel Zimmerman i Jomaick Vlijt. I Duo no. 6, Bryan Lard i Johnnyson Inecia, a resultá Prens i Pancho Talento Karnaval Kòrsou 2019.
E elekshon final lo tuma lugá dia 2 febrüari próksimo pa 7 or di anochi riba Kleine Werf, karchinan ya ta optenibel serka tur partisipante i na Sede di Fundashon JAG.