WILLEMSTAD.- Resientemente Marvelous Production, enkabesá pa sra. Marvelin Hous a biaha pa República Dominicana huntu ku 4 representante ku lo kompetí den e sertámen di ‘Miss Turismo Intercontinental 2018’ ku lo tuma lugá di 24 pa 29 di yüli.
E representantenan di Kòrsou lo ta Marianna Pizzella Ricci, 6 aña; Cristal Seecharan, 13 aña, Gigienly Leolina, 16 aña i Sharielle Ludowika, 28 aña. Nan lo kompetí respektivamente den e sertámen di Miss Infantil Tourism, Miss Pre Teen Tourism, Miss Junior Teen Tourism i Miss Petit Tourism.
Por sigui tur desaroyo relashoná ku e sertámen via e página di facebook Marvelous Production. Eksito na e partisipantenan.