MERKA.- Mary J. Blige ta trahando riba e produkshon di un dokumental riba su propio bida. E dokumental ku te ainda no tin un título, ta siguí e kantante durante di preparashon di e tour relashoná ku e di 25 aniversario di su albùm ‘My Life’.
E dokumental lo toka e tema di pobresa, abuso seksual i e fèrdrit ku ela eksperensia. E kantante merikano di 48 aña tabata 15 aña kasa ku Martin Isaacs. Aña pasa nan a divorsiá.
E dokumental ta keda produsí pa Amazon i no tin un fecha ainda pa esaki keda estrená. Sean ‘Diddy’ Combs tambe ta un dje produktornan.
Blige den su karera a gana 9 ‘Grammy Awards’ pa su músika i a keda nominá na 3 okashon pa un  ‘Golden Globe’ pa su prestashon komo aktris. Blige i Lady Gaga ta e úniko artistanan ku den mesun aña a risibí un nominashon pa Oscar pa tantu aktuashon komo prestashon musikal.