WILLEMSTAD.- Niun di dos artista mester di introdukshon, ámbos a bin ta revolushoná e mundu di urban i ta bolbe hasi esaki ku e kansion “Mary J”. E ‘trap’ inspirá riba e kantante Mary J. Blige a keda lansá e siman aki riba e kanal di YouTube di Decoded i den ménos ku 3 dia ya tabata gosando di riba 70,000 ‘views’.
Di akuerdo ku Rich Kalash, semper el a atmirá Mary J. Blige i ta persibié komo un ‘ride or die chick’ di bèrdat. “Un peki ku ta 100 porshento ku su partner, ku no ta kere ora ku e amiganan bin ku redu i ku den bida ta kompartí vishon i soñonan den bida. Mary Jane, esei ta e peki,” asina Kalash a komentá. Jaido su presentashon den e piesa i e video clip ta resaltá en bista ku e kombinashon di Jaido/ Rich semper a pèrkurá pa un impakto den mundu urban. Ambos kantante, tambe amigu ta di akuerdo ku e piesa ta unu ku sigur lo por wòrdu dediká na kualke peki ku ta ‘ride or die’ ku nan pareha.
E piesa produsí pa Pastor, a keda lansá siman pasá i ya kaba por wòrdu skuchá na radio. Por sigui Jaido i Rich riba Instagram i Snapchat. Fanátikonan por mira e videoclipnan di Jaido, Rich i tur artista di Decoded riba e YouTube Channel @decodedofficial òf solisitá e track na nan radio preferí. Ademas, por stream riba ITunes, Spotify, Google Play i Apple Music.