WILLEMSTAD.- Resientemente Skol di Baile Streanan Bailando a bolbe tene otro eksámen di baile. E biaha aki un total di 9 partisipante a pasa nan eksámen di lès di baile básiko i avansá di baile folklóriko.
Baile básiko ta konsistí di mazurka, wals, dansa, tumba, montuno, bolero, bachata i fox, miéntras ku lès avansá ta konsistí di wals i mazurka, mas tantu koreografia, elegansia di baile i téknikanan di baile.
E partisipantenan pa lès básiko i avansá tabata: Merna Quinland, Sedney Ignacio, Carmen Bolivar, Ruthline Andrea, Irene Kleinmoedig, Midis Barbij, Julia Vijber, Mireli America i Ludwin Bouthismo.
Merna Quinland a resultá e bailadó ku trahe mas elegante di lès básiko. Julia Vijber tabatin e smail di mas bunita di lès avansá, miéntras Mireli America a bai ku e premio pa trahe elegante i baila mas elegante.
Riba foto nos por apresiá Sherwin Clemencia huntu ku e partisipantenan ku a risibí nan diploma di baile, tambe bo ta haña un bista kuantu hende a subi dansflur despues di eksámen pa marka paso riba músika di dj Whity. Pa informashon relashoná ku lèsnan di baile por tuma kontakto ku Sherwin Clemencia na 666-7624.