WILLEMSTAD.-Relashoná ku un yamada di Ministerio Públiko (OM) Korsou dia 2 di òktober, relashoná ku tiramentu den Jamaicaweg di dia 7 di ougùstùs 2017.Diferente testigu a mèldu nan mes.
Un yamada ku OM ta bolbe ripiti awe.

Mientrastantu mas investigashon a keda hasí. E team investigativo di "TGO Jamaicaweg" a konklui ku e SUV kolo pretu ku tabata envolvi den e tiramentu, tabata un KIA Sportage ku a keda hortá dia 4 di yüni 2017 i tabata originalmente un otro kolo.
A bin deskubri e SUV pretu mas lat anochi kimá na "Shut" na altura di bario di Seru Fortuna.

Dia 7 di ougùstùs 2017 ultimo a tuma lugá un insidente hopi fuerte riba Jamaicaweg na altura di “Toko Chow”. Tres òf kuater persona a sali for di un SUV pretu i a los tiru riba un grupo di hende ku tabata selebrá un fiesta di hasimentu di aña.
Kuater persona a pèrdè nan bida na e sitio, entre nan ohochi ku tabata selebrá nan 22 aña natal.
E di sinku víktima, nan tata di kriansa, a muri despues den hospital debí na e heridanan ku el a sufri.
E SUV pretu a bin haña kimá na altura di “Shut” pegá ku bario di Seru Fortuna.

E órden hurídiko a keda di shòk debí na e insidente aki.
Netamente p’esei Ministerio Públiko (OM) di Kòrsou a lantá un asina yamá Team Grootschalige Onderzoeken (TGO) di polis di Kòrsou (KPC).
E team aki ta bezig ku e investigashon ku a haña e nòmber “TGO Jamaicaweg”.
Ya kaba a skucha vários testigu ku a mèldu nan mes miéntras a hasi investigashon tékniko na e sitio tambe.
Ta trata di un investigashon kompliká.

Testigunan ku a mira e insidente, of tin mas informashon tokante e SUV hortá ku a ser usá, ta ser invitá pa drenta den kontakto i yama telefon 917 of e liña anonimo 108.

Ministerio Públiko ta hasi tur posibel pa buska e kulpabelnan di e krimen i pa trese nan dilanti un Wes pa nan ser husgá.