WILLMESTAD – Awe mainta EXTRA ya tabatin un relato di un outo ku a keda hòrta den Saliña i a bin topa esaki pluma den bisindario di Seru Loraweg. Awor ta resultá ku esaki no tabata e úniko kaso di outo hòrta pa keda pluma awe. Reporteronan di EXTRA a logra yega na dos kaso mas similar pero ta informá ku tabatin sigur dos otro kaso mas ku nan no por a logra yega pa saka potrèt. Un situashon no solamente preokupante pero hopi doloroso pa kada doño ku ta sali mainta pa bai kumpli ku nan labor di kada dia i ta konfrontá ku e situashon ku nan outo no tei mas. Aparte di e trouma aki ta keda konfrontá ku tur e gastunan imprevisto. E otro dos kasonan ku reporteronan di EXTRA a logra yega, unu tabata un Kia haña den mondi na velt di FDOK den Dominguitu. Danki na e sistema di GPS di StoreShine a logra sa unda e outo ta ubika apesar ku a hink’e te den un pida mondi tòg a logra lokalis’é. Polis tabata na e sitio i a bai warda ku e outo. E otro outo lokalisá tabata riba kaminda Paseo Koralspecht. Aki a bin topa un Kia Picanto shinishi hòrta den mardugá. Kriminalnan a kue esaki tambe i tabata den dia awe ku a topa e outo para riba pida tereno. Riba medionan sosial por mira último dia basta doño di outo ku ta pidi yudansa pa buska nan outo hòrta.

https://extra.cw/siman-ta-habri-ku-otro-dono-ta-hana-su-outo-tur-pluma/