WILLEMSTAD.- Gasolin i Gasoil ta baha entrante mayan dia 13 di mei ku respektivamente 25 i 28 sèn.  E tarifa usuario final pa Mogas 95 i Gasoil LSD ta baha komo konsekuensia di e medidanan di impuesto temporal ku ta intenshoná pa mitigá e tarifanan di kombustibel aktual. Ta trata di un redukshon di akseins riba Mogas 95 di 41,34 sèn pa 31,07 sèn pa liter i un deskuento di e 6% di O.B. riba preis di komèrsio por mayor pa Mogas 95 ku e 6% di O.B. riba preis di komèrsio por menor. Pa Gasoil LSD ta papia di un dispensashon di e 6% di O.B. riba tantu preis di komèrsio por mayor komo pa komèrsio por menor.