KRALENDIJK.-Boneiru tabata sin koriente pa gran parti di dia awe. Informashonnan ku EXTRA ta dispone di dje ta indiká ku e isla di Flamingo a keda sin koriente despues ku durante di kobamentu lo mester a kap un kabel prinsipal di e kompania ku ta produsí i distribuí koriente WEB. No tabatin daño na mashinnan di e kompania sinembargo na momentu ku e trata na subi e mashinnan di produkshon bek riba e ret esaki a bolbe kai. A tarda un poko pero finalmente ta parse ku téknikonan ta logrando di restablesé e situashon. WEB a keda di duna informashon ofisial mas den transkurso di dia. Mas detaye den edishon di EXTRA.