WILLEMSTAD.- Maduro & Curiel’s Bank a brinda pueblo di Kòrsou un selebrashon tur afó ayera den Punda i Otrobanda.

Selebrando nan di 100 aniversario e Banko Amigu no a spar niun esfuerso pa presentá un selebrashon ku a konta ku presentashon musikal rònt Punda i Otrobanda.

Kombiná ku otro aktividatnan chikí pa entretené e públiko MCB a regalá pueblo di Kòrsou un fiesta di kita sombré.

HENTER AÑA

No ta ayera so MCB a selebrá, ta durante henter aña. Ku selebrashon na su ‘brenchnan’ repartí rònt Kòrsou nan a selebrá ku pueblo i nan klientenan. Diferente otro aktividat grandi MCB a sa di sostené, manera e homenahe na Boy Dap, Festival di Tumba, Curaçao North Sea Jazz Festival i asina por sigui menshoná.

Riba fotonan ku ta kompañá e artíkulo nos tin un reportahe di henter e dia di selebrashon.