KRALENDIJK.– E korant bi-mensual The Bonaire Reporter a pone boka di hopi hende kore awa, pa medio di un artíkulo den kua nan ta informá ku e famoso restorant ‘fastfood’ McDonalds pronto lo habri na Boneiru. Asta e sitio nan a indiká, esta riba e tereno na unda e anterior prison di Boneiru tabata situá. Pero tin duda. Otro siman djaweps ta promé di aprel.

E korant ta skirbi ku McDonalds a haña pèrmit pa konstruí nan restorant na Boneiru na e skina di Kaya Betico Croes o Bulevar Julio Abraham. Ekspektativa ta ku e restorant lo ta operashon pa temporada di Pasku, dependé sinembargo di e desaroyonan relashoná ku Covid-19.

Di mes mas duda ta lanta ora ku sigui lesa e artíkulo i ripará ku lo tin riba menú McLion Fish Filet i Mc- Donkey Burger, mas aleu Iguana Wraps, Goat Stoba, Popcorn-Conch Tambe lo tin McCafe den e edifi sio.