NEW YORK, AP.- Un inmigrante mehikano a demanda e sistema públiko di hospitalnan di New York pa 24 mion dòler despues ku supuesto retrasonan burokrátiko a priv’é di kuido médiko di emergensia i a resultá den amputashon di su pia drechi.
E abogado di Delfino Cuautle a eksigí kompensashon pa e trahadó mehikano.
E mehikano a keda alkansá pa un vehíkulo i despues mester a warda vários ora pa wòrdu operá. Na momentu ku finalmente dòkternan a bira disponibel pa efektuá un operashon ya tabata demasiado ta pa salba e pia.
“Esaki ta pasa ora e burokrasia ta for di kòntròl”. Asina Andrew Carboy, abogado di e mehikano a bisa durante un entrevista telefóniko ku The Associated Press. “esaki ta pasa ora ku desishon di dòkternan no ta keda poné den práktika debí na burokrasia.
Carby ta aktua tambe komo bosero di Cuautle i su famia pasó e no kier wòrdu entrevistá.
E demanda ta akusá e sosten públiko di hospitalnan di e siudat di negligensia profeshonal i di violashon di lei ku ta garantisá akseso na servisionan médiko di emergensia independiente si e persona por paga òf no.
Boseronan di New York City Health and Hospitals Corporation no a rospondé na un solisitut di The Associated Press ku tabata pidi un reak
This function has been disabled for èxtra.