NEW YORK, AP.- E aktris pòrno Stormy Daniels, meimei di un gira promoshonal ku supuestamente tabatin un relashon seksual ku Donald Trump na 2006, na momentu ku esaki tabata un hòmber kasá, a bisa djamars den un komunikado ku e aventura no a pasa nunka.
Sinembargo, e echo aki ta wòrdu dudá, apénas algun ora despues durante su aparishon den un programa di “Jimmy Kimmel Live” di ABC, indikando ku e no sa di unda e komunikado a sali i a kuestioná si e kompania ku a emití esaki tabata di su persona.
Tantu e abogado di Daniels, Keith Davidson, komo e bosero Gina Rodriguez a bisa djárason ku Daniels a mantené su mes na e komunikado aki.
“Stormy a firma e kara aki dilanti di ami i Keith Davidson ayera mainta”, asina Rodriguez a skibi den un deklarashon na AP. Tokante Kimmel, el a bisa ku Clifford “no a ninga ni konfirmá nada refiriendo na Trump”.
E konfushon ta tuma lugá na un momentu kurioso pa Clifford, kende despues di e diskurso di Estado di Union a paresé den e programa di Kimmel. Den simannan resien, e aktris a kambia di kompanianan produktor, i wòrdu entrevistá na Televishon i a promové aktuashonnan den klupnan usando e slogan di Trump su kampaña “Let’s make America great again”.
