Meligia Hendrika Juliana

Ku hopi tristesa, pero konforme boluntat di Dios, Gerensia i Team di Maneho di Total Services Curaçao N.V. ta partisipá fayesimentu di nos kerida kolega asosiado:

Meligia Hendrika Juliana
*7-03-1965 - †9 -08-2021

Den servisio di Total Services Curaçao for di 5 di Oktober 2009, i a laborá 12 aña kompleto na e projekto Curaçao Airport Partners (CAP)

Nos a konosé Meligia komo lo siguiente;
Un persona hopi korekto, alegre, fleksibel, puntual, inmensamente dediká i leal na su trabou i semper demostrando rèspèt pa e ser humano, su koleganan i kliente. Un persona apresiá, stimá i atmirá pa Gerensia i koleganan di Total Services i tambe pa nos kliente.

Meligia tabata mas ku un kolega; esta un bon amiga pa hopi kolega ku e la laborá ku ne.

Su koló preferí korá semper lo keda simbuló di su alegria i amor pa bida, fé i speransa pa biba, kual a kontagiá tur ku a konosé su persona.

Hamas nos lo por lubidá nos Meligia; un persona ehemplar, i di kual nos a siña hopi for di dje.

Su persona lo keda den nos memoria i nos kurason, ku e mesun bunita sonrisa di semper.

Akto di entiero ta tuma lugá djabièrnè 13 di ougùstùs 2021 saliendo for di Capel El Consolador Brievengat pa Santana Brievengat. Ta risibí bishita di kondolensia for di 9or pa 10:30 di mainta i por asistí na trahe alegre. Meligia, drumi dushi i sosegá na pas. Kaminda bo ta, lo bo ta bon kuidá. Gerensia i Team di Maneho di Total Services, ta ekstendé su mas sentido pésame i forsa na famia, amiga(u)nan i Supervisornan i koleganan di Total Services Curaçao , empleadonan di CAP i demas sernan kerí di nos kerida defuntu Meligia.