WILLEMSTAD.- Dia 4 di mei próksimo e kantante Melvin Landburg i su amigu artistanan lo duna un presentashon na nan fanátikonan den International School na Emmastad.
Riba e dia ei Melvin Landburg ta pone un toke spesial pa selebrá su 50 aña den farándula. E portanan lo ta habrí for di 7 or di anochi i e homenahe i show lo kuminsá pa 8 or di anochi .
Di e manera aki Melvin kier a yama danki na pueblo di Kòrsou i e otro islanan  ku pa gran parti a sostené nos artistanan i en partikular su persona durante su trayektoria den farándula.
‘Remembering the Past, Living the Present’ lo ta un anochi di show variá i na nivel kaminda e públiko presente lo eksperensiá un  anochi ameno i inolvidabel. Un ‘Recordar es Vivir’ di kansionnan inolvidabel. Den e shou tambe lo tin aktuashon di entre otro di Romeo Heije i Yentje Silvanie. Melvin mes lo estrená algun piesa di Reflection ku su fanatikada mes a skohe, pero tambe piesanan internashonal.
Melvin i e otro artistanan lo wòrdu kompañá pa Gio Maduro and Friends i e tremendo Junior All Star Orchestra di e skol Toro Colina bou di direkshon di Gideon Chandler.
Konsiderando ku e fanatikada di tantu Melvin, Romeo i Yentje ta bastante, ta rekomendabel pa buska bo karchi for di tempran pa bo no keda afó.
Karchinan ta optenibel na Mensing’s Caminada, 24 uur uit de muur Sta. Maria, Tik Tak, Beep Beep, Van den Tweel supermarket Zeelandia i Jan Thiel i Pan Será Delight na Muizenberg banda di Curoil Pompstation.
Empresanan komersial tambe por yama na 510-6127 pa reservashon. Pa mas informashon i karchi por yama na 510-6127 i 529-2315.