WILLEMSTAD.- Djasabra último e talento lokal, dj Menasa a presentá durante di e evento di ‘Tomorrowland’ na Bèlgika.
Ku un set di 45 minüt riba e stage di ‘Barong Family’ el a presentá huntu ku MC Don T i vários otro dj internashonal manera entre otro ‘Yellow Claw’, Gregor Salto i Cesqeaux.
Menasa su set a kontené muzik internashonal pero tambe su mes músika i e popular ‘Tur hende hisa man’.
Na ‘Tomorrowland’ Menasa a estrená su promé EP albùm internashonal bou di e kas diskero ‘Barong Family’.
E ‘EP’ albùm su título ta ‘Otrobanda EP’ ku ta disponibel aworakí riba iTunes i tambe Spotify.
Pa aworakí Menasa lo sigui ku su gira na Europa i ta regresá Kòrsou den luna di sèptèmber pa presentá durante di ‘Amnesia Festival’ aki na Kòrsou.