NEW YORK, MERKA, AFP.- Merka a honra memoria di kasi 3.000 persona ku a muri den e atakenan di 11 di sèptèmber 2011, ku a kambia e “kurso di historia di Merka”, segun presidente Joe Biden.
Na New York, un multitut a reuní serka di e museo i memorial impreshonante na Manhattan i a keda ketu durante dos minüt ora 8:46 i 9:03 a bati. Esaki tabata e momentunan eksakto ku a sekuestrá e dos avionnan ku a dal den e torennan di World Trade Center, ku a kolèps despues di un diluvio di áwaseru i stòf.
Visepresidente merikano Kamala Harris tabata presente kaminda el a skucha e lista largu di nòmber di víktimanan. Presidente Biden a partisipá den un otro seremonia na Pentágono, kaminda un di tres avion a dal.
Riba 11 di sèptèmber 2001, 2.977 persona a pèrdè nan bida den e atentadonan di mas mortal den historia, kometé pa e organisashon jihad al-Qaeda.
Dos avion a dal den e torennan di WTC na New York, un di tres a dal den pentágono, i un dia kuater avion ku lo mester a dal den Capitolio òf Kas Blanku a kai den mondi na Pennsylvania despues ku pasaheronan a rebeldia kontra e teroristanan.
