MERKA.- Keith Richards, kitarista di The Rolling Stones ta kere ku mester sterilisá e kantante prinsipal di e banda, Mick Jagger. Na 2016 ku 73 aña, Jagger a bira tata pa di 8 biaha.
‘Mick ta un hòmbu bieu i ta tempu pa ‘un kòrtá’. Na e edat ei bo no por ta birando tata mas, pober dje muchanan’, asina Richards ku tin 74 aña a deklará den un entrevista ku ‘The Wall Street Journal’.
E kitarista, despues ku e artíkulo a keda publiká a pidi despensa pa su deklarashon i a indiká tambe ku el a pidi despensa na Jagger.
Nunka Richards no a skonde ku e ku Jagger no ta bai bon ku otro. Den su biografia ‘Life’ ku a keda publiká na 2010, Richards a splika ku e kantante ta insoportabel.
‘No ta importante kiko mi a skibi den mi buki, nos ta diskutí ku otro semper’, asina e kitarista a deklará durante dje entrevista. Pero segun Richards ta e konstante diskushon i tenshon ta e sekreto di e éksito pa nan komo leyenda di Rock.