ARRIAGA, MEXICO, AP.- Polisnan antimotin mehikano a suspendé un blokeo ku a wòrdu implementá riba un brùg, permitiendo pa un karavana di migrantenan sentroamerikano sigui avansá rumbo pa Merka.
E agentenan federal a terminá e operashon despues ku representantenan di Komishon Nashonal di Derechi Humano a informá na polis ku ta trata di un ruta rural di karetera sin sombra, baño ni awa. Esaki ta hasi e sitio inadekuá pa e migrantenan konsiderá un oferta gubernamental di asilo ma México.
Polisnan a transitá den bùs i a sigui avansá riba e kartera, miéntras ku e migrantenan a komprometé di sigui avansá i yega Merka apesar di atvertensianan di Donald Trump, ku e migrantenan lo no wòrdu permití pa drenta e pais.
Presidente Enrique Peña Nieto a lansa e programa “esaki ta bo kas” djabièrnè, kual ta ofresé refugio, atenshon médiko, skol i trabou pa e sentroamerikanonan ku aksedé pa keda den estadonan na sùit di Chiapas i Oaxaca.
E hefe polisial Benjamin Grajeda a bisa ku outoridat a blòkia e karetera djasabra, pa asina informá e multitut di e oferta aki.
Míles di migrante den siudat di Arriaga a rechasá e plan djabièrnè anochi, pero a bisa ku nan ta dispuesto na konsiderá esaki na nan yegada na Siudat di México. Algun ta teme di wòrdu deportá.
