MERKA.- Músika Latino ta den su mihó momento asina Billboard a informá. ‘Billboard Hot 100’ a debutá 59 aña pasa i esaki nunka no a yega di sosodé.
E remix na spañó ‘Mi Gente’ di J Balvin i Willy William huntu ku Beyonce a kaba di destroná ‘Despacito’.
E kansion, remix pa yuda víktimanan di e resiente desasternan ta aworakí e mihó éksito di músika Latino na Merka.
Danki na ‘Mi Gente’ i ‘Despacito’ ku e hazaña di djaluna último a marka e promé okashon ku dos kansion ku letra prinsipalmente na otro idioma ku no ta ingles, ta aparesé den e mihó 10 kansionnan di e lista di ‘Hot 100’ na mes momentu.
Billboard a señalá ku e aña aki, 11 kansion na spañó a debutá riba ‘Hot 100’, den komparashon ku dos den 2016, ‘La Bicicleta’ di Carlos Vives i Shakira, i ‘With You Tonight/ Hasta el amanecer’ di Nicky Jam.