WILLEMSTAD.- Ayera nochi di forma ofisial AMAK a anunsiá ku Festival di Tumba ta dediká na Roy Senchi. Roy ayera nochi tabata kòrtiku, ‘Mi ta kontentu mi ta felis’, asina Roy a reakshoná na momentu ku a puntr’é ki su sentimentu ta na momentu ku a bisé ku Festival di Tumba ta keda dediká na dje. Rolando ‘Roy’ Antonio Senchi, e ‘Rei sin Korona’ a indiká ku pe su mihó tumba tabata ‘Hala Mara’ ku el a presentá ku Eksploshon Latina na 1983. Roy a haña e nòmber di ‘Rei sin Korona’ debí ku semper ku el a partisipá na tumba, su komposishonnan a dal masha duru mes, pero nunka el a kai den premio òf bai ku e korona di Rei di Tumba. Roy a partisipá den Festival di Tumba ku Estrellas del Caribe, Doble R, Eksploshon Latina i Perfecta.