WILLEMSTAD.- E agrupashon musikal ONE no ta para ketu i ta sigui produsí piesanan nobo. Resientemente nan a lansa e kansion ‘Tene Mi Man’ kanta pa Michèlangelo "MJ" Martina.
‘Tene Mi Man’ ta un produkshon di Url Isenia i Dan Dan, miéntras ku e areglo di brass tabata na enkargo di Dibo D.
Un amigu ku derechi ku a stima su amiga fo’i komienso mester biba ku e realidat. Apesar di tempu e kos a bira mas ku un amistat, wardando e momentu. Esei ta parti dje kontenido dje produkshon ‘Tene Mi Man’. Ban sostené nos artistanan lokal!.