WILLEMSTAD.- E diseñadó yu di Kòrsou, residensiá na Ulanda, Michelangelo Winklaar, próksimamente lo presentá su kolekshon durante di ‘Feeric Fashion Week’, e show di moda mas grandi  na Rumania i paisnan Balkan.
E kolekshon di Winklaar durante di ‘Feeric Fashionweek’ dia 21 di yüli próksimo ta inspirá riba e kuadro ‘Evolutie’ di Piet Mondriaan di 1911.
Winklaar kende a nase na 1983 na Kòrsou su Wela a pèrkurá pa siñ’e for di edat hóben tur e trikinan dje trabou. Añanan despues el a sigui su estudio na un ‘Modelyceum’ na Ulanda.
Winklaar a presentá den su kolekshon di moda pa hende muhé, téknikanan bieu i nobo. Den esaki e ta usa téknikanan di couture kombiná ku loke e ta yama su ‘exotic roots’, su background kultural.