WILLEMSTAD.- Un bon públiko a presensiá ayera nochi e konsierto grátis riba Freewinds ku presentashon di Michele Henderson di Dominica.
Na vários okashon Michele a yega di presentá na Kòrsou abordo di Freewinds i na tur okashon el a sa di impreshoná ku su kanto. The Freewinds Band huntu ku NGN Brass a pèrkurá pa e kompañamentu musikal di Michele. Riba foto nos por apresiá e presentashon di Michele ayera nochi dilanti di un sala praktikamente yen.