MERKA.- ‘Midway’, un pelíkula riba di dos guera mundial a logra di forma sorpresivo e promé lugá di takia e fin di siman tras di lomba, superando ‘Doctor Sleep’.
Lionsgate, a informá djadumingu ku ta kalkulá ku e pelíkula di guera dirigí pa Roland Emmerich a rekoudá 17.5 mion dòler na entrada na Merka pa keda na puesto number 1.
Promé ku fin di siman ekspertonan a pronostiká ku e promé lugá lo a bai pa ‘Doctor Sleep’ di Warner Bros., un adaptashon di e buki di Stephen King. Pero e oudiensia no a akudí pa mira e pelíkula manera a spera i esaki a rekoudá solamente 14.1 mion dòler.
‘Playing with Fire’ ku aktuashon estelar di John Cena a keda na di tres lugá ku 12.8 mion dòler na entrada, miéntras ku e komedia romántiko ‘Last Christmas’, protagonisá pa Emilia Clarke a keda na di kuater lugá ku 11.6 mion dòler na entrada.