Migelsie Micaela Dort - Fraaij
Aviso di Morto
Tristu pa su partida pero agradesido pa e momentunan ku nos a kompartí kuné.
Nos ta anunsiá fayesimentu repentino di:
Migelsie Micaela Dort - Fraaij
*04-10-1987 - †22-09-2023
Mihó konosí komo
Mica di Beauty by Somee D'or
Na nòmber di su:
Kasa: Marvin Dort
Yunan: Damory, Davion, Dexialis i Arona
Mayornan: Miguel i Elsie Fraaij-Pinedo
Welanan: Swinda Pinedo i Maria Sambo
Suegro(a): Andre Pinas, Henk Dort i Astrid Harry
Tantanan:
†Dolly, Yahaira, Lennie, Ruthline , Carla, Jessica, Milly,
Machesca, Ruthmila, Sharine, Kethline,
Petra Reina Mulder i ruman.
Tionan:
Willem, Rolf, Rignald, Mariano, Luthson, Hensley, †Edsel
Prima(u)nan:
Ruthsherline, Stephany, Lisbeth, Rudwin, Werlaina,
Luxvienne, Djurendrick, Kimberley, Ra'id, Jeremiah,
Ruthsherson, Monyena, Queasa, Geisha, Rhianne
Sua i Kuñánan: Stokely, Navajo, Jeasel
Amiga(u)nan:
Zunette, Fitiana, Suvina, Muriëll , Ruthseline, Roxanne,
Miguel, Judeska
Demas famia:
Fraay, Dort, Felisia, Sambo, Pinedo, Matrona, Mulder,
Meulens, Van der Eijk, Millerson, Nivellac, Martis, Ferrero.
Si den nos tristesa nos por a lubidá un famia òf konosí, nos ta pidi nos diskulpa.
Entiero ta tuma lugá djaweps 28 di sèptèmber 2023, saliendo for di El Tributo Otrobanda Sala 1 pa Santana Morada Santa den Hòfi di Bottelier. Ta risibí bishita di kondolensia entre 9or i 10:30or di mainta.
Despues di entiero NO ta risibí bishita di kondolensia na kas.
Por fabor asistí na trahe alegre.
Pa demostrá bo kombibensia subi e website
www.eltributokondoler.com i manda bo kondolensia pa famia.
Tunis i Brigitte Ignasia Kwidama
Nos profundo sentimentu di kondolensia ta bai na kasa,yunan i mayornan di Migelsie. E tristesa i falta ta hopi grandi pa famianan i pa esnan ku konosé Migelsie komo mucha chikitu. Hopi dolor nos ta sinti pa e mayornan. Un konsuelo nos tini ta ku Migelsie a logra e premio di biba den un paradijs pa semper. Nos na bida ahinda no. Forsa pa tur esnan pega na famianan di Migelsie. Di parti di Tunis i Brigitte
Carla i Christopher Philips
Nos mas sincero kondolensia na Elsie, Mio, Kasa, Joenan i demas famia. Ku Yehova duna boso hopi forsa. Di Parti di Carla i Christopher Philips
Tatiana Michel
Condoleerd Hopi Forsa pa Famianan 🙏
Nora + Saini
Nos kier deseá kasá, yunan, mayornan, welanan, tantanan i tionan, primunan, sobra famia i konosirnan nos mas sentido pésame ku e pártida repentino di Mica. Salmo 34:18 ta bisa ku Yehova ta serka di hende ku tin kurason kibrá. P'esei Yehova lo yuda boso pasa dor di e dolor grandi aki. Tambe tin e bunita e speransa di resurekshon ku pronto lo bira realidat Huan 5:28, 29.
Nihaily
Ku Yehova sa di kalma tur boso dolor. Pronto lo ta paradijs wanta duru ne speransa mibm rumannn stima. Sabi ku Yehova tambe tin dolor pero e tei pa boso tur 100 100
Sulaika lourens
Kondeleer I forsa pa kasa yu nn I sobra famia nn
Taymara Mauricia
Migelsie un mucha alegré, felis den memoria mi ta mirabu smile. Mi ta desea bo yunan I kasa/ sobra famianan hopi forsa ku e perdida aki. Sosega na Pas Migelsie🌹🙏🏾
Melvin Dania
Nos profundo kondolensia ta bai na Minguel I Elsi Fraay pa e perdida sensio di boso yu Migelsie i forsa ta bai tambe pa su esposo I yunn I korda ku Migelsie ta den un soñó profundo ,wardando e dia ku Yehova lo restore na bida atrobe di akuetdo ku Huan5: 28,29 i Yob 14:14,15 FORSA 💪🏽💪🏽
Indra Elias
Kondolensia, Mio i Elsie i demas famianan😔 Mi ta deseá boso komo famia "Hopi Hopi Forsa" pa trata ku e pérdida grandi aki! Ki dushi ta ora nos kòrda riba e bunita promesa ku pronto Yehova nos bon Dios, lo perkura pa nos tur por ta huntu ku nos sernan kerí bèk inkluso Migelsie. Yehova lo duna boso Forsa ❤️
Shagaira
Kondoleer i hopi forsa di parti di Ido i Uchi Sint Jago i Signald i Shagaira Martis.
Aidjeel
Hopi forsa na Mio i Elsi i demas familia nan pa e perdida tan sensibel aki. Yehova nos Dios di tur konsuelo lo sa di konsola boso kada un. hopi forsa na boso tur di parti di. Aidjeel i yunan.
Sandra Maduro
Condoleer Mio y Elsi y hopi forsa pa boso y famianan sobra Jehova sostene boso y duna boso consuelo den e dianan di tristesa aki. Di parti di Sandra Maduro
Elba Adebambo-Hooi
Hopi forsa na kasa, yunan i henter famia. Dios duna boso forsa i konsuelo.
Sarita Provence
Elsie, Ruthline, Sharline i demas famia forsa. Revelashon 21:4
Enid
kondoleer i forsa na famia
Shurandy
Kondoleer i hopi forsa na famianan
Armientje Janga
Kondoler i hopi hopiiii forsa pa e yunan, kasa, mayornan i sobra famia i konosínan. Ku Migelsie sosegá na pas.⚘️🙏😪
Armida mauricio.
Gecondoleerd i hopi forsa na su kansa i ju nan i famianan 🙏🏽🥀😢
Daisy Seferina
Migelsie sosega na pas. Y forsa na famia nan.
Suzy Rijsenburg (Eccentric Glam)
Ahinda mi ta den shock, gecondoleerd en heel veel sterkte.
Mourilio Molina (Bubuy) i Sislin Molina
Kondoler i forsa di Yehova pa enfrenta e momentu difisil.Animo .
Jacqueline Elias-Cecilia
Kondeleer , hopi forza ku pierdida di Migelsi, Yehova duna boso komo famia forza mas aya di loke ta natural. Rev. 21:3,4 Di parti famia Elias
David i Adriann
Hopi hopi forsa i kondoleer Miguel, Elsie, Marvin, i su yunan. No tin palabra pa ekpresa kon tristu e perdida aki ta. Nos ta sinti hopi kibra huntu ku bosnan. Yehova duna bosnan pas i trankilidat durante e tempu difisil aki.
Richenel i Sharine Martina-Bernardina
Mio, Elsie i demas famia, Morto niun ora tabata parti di Yehova su propósito, p’esei morto ta laga hopi tristesa i doló atras. Ora un hende wordu ranká fo'i bida diripiente, esei ta hasi mas doló ainda. Forsa nos rumannan stimá durante e tempunan difisil aki. Ku Yehova duna boso e konsuelo nesesario pa boso karga ku boso tristesa i doló. Sa ku nos tur tin bosonan den nos orashonnan. Kondoler pa boso pèrdida tan sensibel.
Audrey Albertus
Mi mas profundo kondolensia ta bai pa Miguel, Elsie, kasá , yunan i demas famia di Migelsie. Yehova lo duna boso e forsa nesesario pa pasa dor di e momentonan difísil akí. Huan 5:28,29 Forsa.
Glenn Matrona
Nos sinsero palabranan di kondolensia na kasa, yunan I demas famia. Ku Migelsi su alma sosegá na Pas. Di parti di Vivian, Soraya I Glenn Matrona.
Silvio Koeiman
Mio i Elsie masha kondoleer ku e morto di boso yu. Mi mama promé ku el a fayesé na aña 1994 a dera 5 di su 12 yunan i ku profundo doló i tristesa e tabata yora i sklama na kada un di nan su entiero bisando, "Ma kere ku ta yu tin ku dera mama" E tin rason pasombra antes ta yu ta dera nan mayornan. Boso tambe lo ta pensa meskos. Pero esaki a kambia awendia. Hopi mayornan tin ku dera nan yunan awendia. Het wegvallen van jullie enig kind en op zo'n jonge leeftijd,35 jaar is zwaar. Gone to soon. Masha kondolensia na Migelsie su kasa Marvin, su 4 yunan, Welanan, Suegro(a), Tantanan,Tionan,Prima(u)nan i Amiga(u)nan. No ta Yehova Dios a kita boso yu foi boso, manera nan ta bisa "es ku Dios ke". Ta nos enemigu komun a hasi esaki: 1 Korintionan 15: 26 ta bisa nos ken esaki ta. E teksto ei ta bisa"E ultimo enemigu ku e (esta Hesus) lo kaba kuné ta morto". Risibi aki un poko konsuelo ku beibel ta duna. "BEIBEL TA DUNA SPERANSA PA TUR HENDE KU A MURI". Yehova nos kreadó ta un Dios di sabiduria, hustisia, amor i poder. Morto no tabata parti di Dios su proposito original pa humanidat. Morto ta e resultado di Adam su desobedensia (Genesis 2:7, 15-17; 3:19) Tur yunan di Adam a hereda morto (Romanonan 5:12) Dios ta duna nos un speransa ku lo kumpli sigur (Isaias 55:10, 11;) Enbes di ke pa nos muri, Dios ke pa nos biba. Revelashon 21:4 ta bisa "Dios lo seka tur lagrima for di nan wowo, i lo no tin morto mas". Beibel ta bisa nos bon kla den ki kondishon e mortonan ta: E mortonan ta inkonsiente (Salmo 146:4; Eklesiastes 9:5, 10) E alma ta mortal(Ezekiël 18:4, 20). Beibel ta duna speransa ku miones di hende ku a muri lo bolbe biba. E speransa di resurèkshon a bira posibel pa medio di e sakrifisio di Hesukristu (Mateo 20:28) Dus e resurèkshon di Kristu ta duna un garantia ku e mortonan den graf awendia tambe lo ser resusitá (1 Korintionan 15:22, 23) Yehova Dios a enkargá Hesus pa lanta e mortonan. Hesus a bisa na Huan 5:28, 29: Pasobra lo yega e ora ku tur esnan ku ta den graf lo tende su stèm i lo sali afó". Tur mortonan ta den nan graf ainda pasobra e ora no a yega ainda. Ki ora e ora lo yega? Segun Lukas 23:43 Hesus di ora e mundu bira un paradeis. Tur esnan ku a fayese a biba riba tera, pesei ta riba tera nan lo ser resusitá pa sigui biba pa semper. (Huan 10:16, Salmo 37:29. Ademas, hende ku a muri sin ku nan a haña oportunidat pa komprondé i apliká loke Beibel ta siña, tambe tin e speransa di haña resurekshon (Echo 24:15) Esun ku muri a ser exonerá (Kwijtgescholden) di su pikanan. (Romanonan 6: 7) Pago di pika ta morto. Ora un hende paga, e no tin debe mas…Ku su morto Migelsie a paga Dios..Dios ta kue un borstel i veeg loke el a skirbi foi e bòrchi di Migelsie. Migelsie su bida futuro ta den man di un Dios Miserikòrdioso. Mi ta spera ku pronto boso tristesa lo kambia den alegria, e alegria di por verwelkom Migelsie bèk na bida riba un tera paradisiko. Meskos ku Hesus un tempu a bisa "Lazaro"bin afó i e morto ei a bin afó..asina tambe unbes aki lo e bisa "Migelsie" bin afó i Migelsie lo bin afó. Mi ta spera ku boso tur lo tei pa biba e momento di alegria aki. Esaki ta deseo di Silvio i Nilca Koeiman, Deborah i Jonatán Martina for di Hulanda i Naomi ku Robby for di Korsou pa Mio i Elsie i tur e resto dje famianan yegá di Migelsie.
Mariana Cecilia
Kondoleer na Mio Elsy i tur sobra Famianan ku e Perdida di Migelsie. Dios duna bosnan e forza.nesesario.
Lena Lena
Nos amigonan. A duelnos masha hopi di tende di e gran perdida cu boso ta pasando aden. Nos sa cu boso tin tur conocemento y speransa ancra den boso curason. Sigui roga Jehova diariamente pe forsa mas aya cu lo normal. Ta cu esey so bos lo carga e dolor inmenso cu boso ta pasando aden. Fil. 4:6,7. Nos profundo Condolencia na tur e famia. Hubert y Lena Margarita. Aruba.
Famia Astwood
Condoleer i hopi forsa..Ruman Mio.ku Elsi
Ludmila Franca-Doran
Kondolensia i Jehova lo konsola boso sigur Ruman Mio i Elsie i Sr. Dort i yunan. 1 korintionan 1:3 Ludmila Franca
Ludmila Franca-Doran
Korr: 2 korintionan 1:3 Ludmila Franca
Stanley i Chela Sambo
Nos ta manda palabra nan di kondolensia pa Mio, Elsie, i demas famia Fraaij. Ku Yehova, e Dios di tur konsuelo, konsola boso, duna boso forsa i sosten durante e dianan difisil aki i despues, segun boso ta spera riba Yehova. Pasobra e no ta Dios di morto nan, sino di e bibunan. Mateo 22:32. Forsa di parti Stanley i Chela Sambo
Hector i Nila Martis
Kondoleer Mio, Elsie i jiunan sobra famianan. Jehova lo duna boso forsa den momentu duru aki.
Alice Felicia
Kondoleer y forsa, di parti Stanley y Alice Felicia. Ku e speransa na Juan 5:28,29 lo ser un fuente di fortalesa pa boso.