LOS ANGELES.-Ayera nochi a tuma lugá un pelea di bòkseo ku sigur a sòru pa hopi emoshon serka fanátikonan. E legendario Mike Tyson a drenta ring bek, despues di 15 aña. Den e kaso aki Tyson(54) a enfrentá su kontrinkante Roy Jones jr (51). Tyson a train dos aña hopi duru pa e momentu grandi aki.

E pelea a tuma lugá den e stadion ‘Staples Center’ unda e tim di basket LA Lakers ta train normalmente. Den kuadro di Corona versus e pelea a tuma lugá sin públiko. Asta e miembronan di hurado no tabata presente den e stadion i mester a sigui e pelea di forma virtual.

Teniendo kuenta ku ámbos bòksdó no ta ‘mucha’ mas a hasi kambio na e tempu di kada round, esta 2 minit na lugá di 3 minüt.  Tantu Tyson komo Jones tabata move ku basta fasilidat mustrando ku nan a train bastante pa e gran evento aki. Na final e wesnan a yega na e konklushon ku no tin un ganador, apesar di Cabos banda a tira algun djap fuerte riba otro. Tur hende por a tuma nota ku Tyson ta esun ku a tira mas djap den direkshon di su kontrinkante, pero no tabatin ‘knock-out’.

Despues di e pelea Cabos kampeon a bisa ku e pelea aki ta pidi un ripitishon, e pregunta ta si si lo konkretisá e idea ei òf si ta lag’e na esun pelea aki.