WILLEMSTAD.- E Dj/Music Producer, Mikz Andrez resientemente a lansa e videoclip di su piesa “Kiss Me” den kual e ta kolaborá ku e kantante Zahyra. Mikz Andrez ta un hóben di 17 aña ku aspirashon grandi pa bira un DJ/Music Producer internashonal. Un di su ídolonan den e mundu di músika EDM ta Skrillex.
Mikz Andrez a kuminsá na edat di 11 aña , ku e arte di DJ’ing despues di a siña e trikinan di DJ’ing serka su Tata kende tabata DJ pa fiestanan na Kòrsou i na Ulanda. Su interes a krese i tiki tiki e mes a kuminsá eksperimentá ku DJ’ing. Mas despues tambe e la sigui desaroyá su talentonan den e área di Music Producing. Komo D.J., Mikz Andrez a toka na diferente lokalidat manera Wet & Wild Beach Club, Nachtwerk i tambe den e edishon 2016 di Amnesia Festival.
“Kiss Me”, ta e di dos track ku e ta kolaborá ku un kantante. Aña pasá, e la lansa e track “Lost”, un kolaborashon ku e kantante Kayla Leidel. Por skucha e piesa “Kiss Me” produsí pa Mikz Andrez na diferente radio lokal i e videoclip ta riba su Facebook page https://www.facebook.com/MIKZSOUNDZ/ i tambe riba YouTube https://www.youtube.com/watch?v=_AdTMdNHpeo. Por sigui Mikz Andrez riba Instagram, Snapchat, Spotify, Soundcloud, Facebook i You Tube.