WILLEMSTAD.- Alumnonan di Maria Immaculata Lyceum un biaha mas ta bai presentá nan talentonan den un show ku ta hiba e título “ MIL show 2018: Laga Bai”
Di e manera aki MIL ke duna mas balor na su talentonan den e forma di drama, kanto, baile i músika.
MIL ta invitá tur hóben i pueblo di Kòrsou kompletu pa bin disfrutá di e presentashon humorístiko i alabes edukativo aki.
E show lo tuma lugá awe, djasabra 25 di ougùstùs, den Teatro Luna Blou, 7 or pa 10 or di anochi. Karchi ta na balor di 25 florin ta optenibel na MIL i na porta si sobra. Pa mas informashon por tuma kontakto ku Jordan Constancia  na 513-9090.
Pues MIL ta invitá un i tur pa bin disfrutá i hari bo barika yen di un tremendo obra presentá pa hóbennan di MIL.