BRASILIA, BRASIL, AFP.- Míles di indígena hende muhé a protestá na Brasília djabièrnè, kontra agènda di presidente Jair Bolsonaro i pa pone preshon riba Korte Supremo, ku mester determiná destino di reservanan riba teritorio di e indigenanan.
Por lo ménos 5.000 indígena hende muhé di 172 etnia den Brasil kompleto a marcha gritando “Fora Bolsonaro”.
E indigenanan ta representá 0,5% di 213 mion Brasileño i tin vários dékada ta purba defendé nan teritorionan, kual ta 13% di Brasil su teritorio. Nan ta víktima di personanan ku ta invadí nan teritorio, mineronan i trafikantenan di palu ilegal.
Korte mester disidí si lo rekonosé solamente terenonan ku a wòrdu okupá despues di Konstitushon, kreá na aña 1988. E desishon por afektá sentenáres di tereno, i e kaso ta sigui otro siman.
