WILLEMSTAD.- Ayera Minister di Enseñansa, Siensia, Kultura i Deporte, Sra. Marylin Alcalá Wallé a reuní ku Grupo JAG, organisashon enkabesá pa Hubert ‘Juni’ Aniceta ku lo tin na nan enkargo organisashon di Karnaval 2018 i 2019.
‘DEN E BEMBE’ a kombersá ayera nochi ku Juni Aniceta i el a indiká na nos ku e reunion tabata unu fruktífero.
‘Minister a presentá su vishon pa selebrashon di Karnaval i pa esaki kuadra ku loke nos tin plania pa bai organisá. Awe a kombersá riba loke Gobièrnu ke. Ainda nos mester sinta ku Sektor di Kultura. Pa fin di otro siman nos ta kere ku nos lo ta kla pa tene un rueda di prensa kaminda lo anunsiá tur detayenan pa loke ta trata Karnaval 2018’, asina Juni Aniceta a terminá bisando.