WILLEMSTAD.- Djasabra último, Minister presidènt, Sr. Eugenne Rhuggenaath a graba e palabranan di Bon Bini na tur e paisnan ku lo ta partisipando na e sertámen di Miss Teen International ku lo tuma lugá entre 7 pa 12 di novèmber próksimo.
Pa di tres aña, International Beauty and Fashion Foundation, IBFF, ta organisando e sertámen internashonal aki na Kòrsou, ku ta un kongreso kaminda partisipantenan di diferente pais ta bin defendé e tema di ‘Preservashon i Konservashon di AWA’.
Ta den kuadro di esaki ku Sr. Rhuggenaath a graba e promo i demostrá su apresio pa e trabounan ku ta hasiendo pa pone Kòrsou su nòmber riba plano internashonal via di Edukashon i Beyesa Hubenil.