WILLEMSTAD – Manera ta konosí den fin di siman tras di lomba Ministerio Públiko a laga konfiská kurpa di un kapitan ku a fayesé riba barku. Patólogo a terminá ku e outopsia riba kurpa riba e barku di karga den awanan internashonal. E barku ta nabegá bou di bandera di Singapore. E konklushon di patólogo ta ku e kapitan rusiano a muri un morto natural. No tin ningun indikashon di un krímen ku por a tuma lugá riba e barku.