WILLEMSTAD.- En konekshon ku ‘Siman di kultura i Turismo, Ministerio pa Desaroyo Sosial, Labor i Bienestar ta tene un enkuentro sosial-kultural, awe djaweps 28 di sèptèmber, di 5’or di atardi pa 8’or di anochi dilanti di ofisina prinsipal di e ministerio den kurason di Punda.

E evento tin komo meta aportá na inisiativanan pa salbaguardiá nos herensia kultural. Personal di e ministerio lo selebrá ‘Siman di Kultura i Turismo’ huntu ku nos komunidat i e bishitante.

E enkuentro lo ser animá pa Grupo Kòmpèr i Minister Koeiman lo dirigí algun palabra. Parti mainta di 11’or pa 12’or lo tin músika di Ka’i òrgel na e edifisio di SOAW i bishitantenan por refreská ku Awa di Lamunchi òf stropi di Tamarein.