Mirela Justina Streden

GRADISIMENTU I INVITASHON

Yunan, nietunan, rumannan, subrina(u)nan i demas famia di:

Mirela Justina Streden

Kièr a gradisí tur famia, amigu, koleganan di Total Bank Curaçao, èks koleganan di Girobank N.V, bisiña i konosínan ku a mustra atenshon na ora di morto i entiero di nos defuntu stimá. Un danki ta bai na El Señorial, tur ku a manda krans, flor, mensahenan di kondolensia via whatsapp, otro medionan sosial i yamadanan di telefòn. Boso sosten i atenshon tabata un gran konsuelo pa nos. Alabes nos kièr a partisipá ku lo bai tin 3 Santu Sakrifisio di Misa kual lo tuma lugá djadumingu 1 Novèmber 2026 pa10:00 mainta na Misa di Soto, djárason 4 Novèmber 2026 pa 6:00 di anochi na Misa di Suffisant, djabièrnè 6 Novèmber 2026 pa 6:30 di anochi

na Misa di Soto. Aseptá esaki komo un invitashon personal. Despues di Misa no ta risibí bishita na kas.