WILLEMSTAD.- Fundashon J.A.G., Fundashon Karnaval Banda Bou i Minister di Enseñansa, Kultura i Deporte ta invitá tur persona i instansia ku di un manera òf otro a duna un man na e eksitoso organisashon pa Karnaval 2018.
Nos kier a invitá boso tur pa ta presente na un Santu Sakrifisio di Misa djadumingu 04 mart próksimo, 9’or di mainta na Misa di Sta. Maria. Pa huntu nos por gradesí i yama danki na e Ser Supremo pa un tremendo temporada di Karnaval 2018.
Nos ta invitá tur embahadornan, mayornan, coach nan, lidernan, karnavalistanan, Kuerpo Polisial, Kuerpo di Brantwer, Kuerpo di Krus Kòrá, Medionan di Komunikashon, spònsernan, partners nan, gruponan di Karnaval, kolaboradornan, huradonan tur persona ku di un manera òf otro a yuda hasi e temporada unu grandi.