WILLEMSTAD.- Marvelous Production ta ekstendé un invitashon na henter pueblo di Kòrsou pa bin sostené nan partisipante faborito ku lo kompetí pa bai ku e título di Miss Playa djasabra awor dia 15 sèptèmber 2018.
E evento lo kuminsá pa 10’or mainta na Pirate Bay (ántes HooksHut), Piskadera. Entrada pa e aktividat aki ta grátis. Riba e dia aki e partisipante nan lo modelá den trahe di baño kompañá pa artefakto nan di bai laman. Na final lo saka e siguiente premio nan: Little Miss Playa by Pirate Bay; Miss Pre-Teen Playa by Pirate Bay; Miss Teen Playa by Pirate Bay i Miss Playa by Pirate Bay.