LOS ANGELES, MERKA.- Públiko a yega salanan di sine pa mira e aktor Tom Cruise komo Ethan Hunt pa di 6 okashon den ‘Mission: Impossible – Fallout’, ku a okupá sin niun difikultat e promé posishon den benta di entrada di sine. ‘Fallout’ a rekoudá 61.5 mion dòler na Merka i Canada. Ta e mayor kantidat ku e serie a rekoudá den su promé siman.
‘Mamma Mia! Here we go Again’, a keda na di dos posishon ku 15 mion dòler rekoudá. ‘The Equalizer 2’ a kai na di tres posishon ku 14 mion i ‘Hotel Transylvania 3’ a keda na di kuater lugá ku 12.3. mion dòler na entrada. ‘Teen Titans Go! To the Movies’ ta resultá na number 5 ku 10.5 mion rekoudá.