WASHINGTON, AFP.- Moderna a presentá un petishon di outorisashon di su vakuna kontra di COVID-19 pa muchanan entre 6 i 11 aña, na e reguladó oropeo, asina e empresa bioteknologia merikano a informá.

E dósis di dos inyekshon, atministrá ku kuater siman di diferensia a keda adaptá na 50 mikrogram, na lugá di 100 ku ta duna na e personanan di mas edat.

“Nos ta  kontentu di anunsiá e presentashon di e variante EMA”, e agensia oropeo di remedi a bisa den un komunikado pa medio di Stephane Bancal hefe di Moderna. “Esaki ta marka nos promé petishon di usa den e grupo di edat aki”, el a opservá.

E vakuna di Moderna aktualmente ta outorisá pa mayornan di 12 aña. Pero hopi pais entre nan Fransia e siman aki a deskonsehá e uso di Moderna serka menornan di un sierto edat (30 aña na Fransia) debí na e preokupashon di riesgo di miocarditis. E efekto sekundario aki a keda detektá prinsipalmente serka adolesente i hóbennan adulto, i mas tantu hende hòmber.