WILLEMSTAD.- Despues di éksito grandi ku ‘Sekreto’, Bibi Gonet ta bolbe komponé un kansion ku tin tur ingrediente di bira un éksito grandi pa ERA.
Bibi Gonet a dal un grandslam ku e komposishon‘Ta nèt mi kos’. Ku areglo di Dwight Leoneta, kanto di Moises Ramos Jr., i produsí pa Angelo ‘Borrel’ Dopwell, te ko pa baila na fiesta.
E kansion ta relatá e dama bunita ku Moises a topa i ta loko kuné. Moises falta palabra, pero speransa te último kos ku e ke pèrdè.
E dama ku kara frepòstu, ku su kara ‘stout’, mir’é yanga bai pariba. Aplouso pe arkitektonan, bo mama ku bo tata. E shon tin wowo maron ‘led led’, nanishi punta, e smail ku ta mata mi, sintura di maribomba, pia diki ei bou, e kana ku ta mata mi, ta nèt mi ko!.
Esei ta parti dje letra di ‘Ta nèt mi kos’, anto e kik dje komposishon ta: “Si mi no ta sirbi bentá mi afó, pero djis purba mi promé”.
Hopi a bin, hopi a bai, pero ERA tei ketu bai !!