Morris Isenia

Ku profundo tristesa nos a tuma nota di fayesimentu di señor

Morris Isenia
Señor Isenia tabata kofundador di nos partido i komo tal el a hunga un papel importante den organisashon di nos partido. El a fungi na numeroso okashon komo lider di kampaña i tabatin un papel signifikante den kresementu i desaroyo di PAR.

Señor Isenia tabata miembro di Parlamento di Antia Hulandes pa vários aña i e tabata lider di frakshon pa PAR den parlamento. Ku su konosementu i eksperensia polítiko señor Isenia tabata pa vários aña un konsehero prinsipal pa PAR den asuntunan di partido i di pais.

PAR ta gradisí señor Isenia pa tur loke el a nifika pa nos i pa Kòrsou. Nos ta deseá forsa na su famia ku e pèrdida grandi aki.
Morris, sosegá na pas.
Na nòmber di lider polítiko i miembresia di PAR